Në ndeshjen e tensionuar, derbi mbyllet pa fitues

Derbi në mes Dritës dhe Gjilanit, i vlefshëm për javën e 26 të Superligës së Kosovës në futboll, ka përfunduar me rezultat të barabartë 2:2.

Derbi gjilanas sot kishte gjithçka – katër gola e tre kartona të kuq, dy prej tyre për Gjilanin e një për Dritën.

Drita kaloi e para në epërsi. Në minutën e 24-të, Blendi Baftiu arrinë të shënoi pas një pasimi të bukur nga Huruglica.

Gjilani nuk u demoralizua, dhe arriti qe ti shënoj dy gola të shpejt. Për 1:1 shënoi Edi Basha në minutën e 32-të, ndërsa për 2:1 realizoi Qëndrim Ismajli në minutën e 44-t.

Drita arriti të rikthehet në lojë në fillim të pjesës së dytë, në minutën e 55-të, Albert Dabiqaj shënoi me goditje me kokë, pas një dalje jo të mirë të portierit të Gjilanit.

Në aksionin e nisur pas golit të shënuar, u krijua një tollovi dhe me kartonin e dytë të verdhë u përjashtua Almir Ajzeraj i Dritës.

Në minutat shtesë u përjashtuan dy lojtarë të Gjilanit për shkak të kartonëve, por shifrat nuk ndryshuan, 2:2.

Pas këtij barazimi, Drita nuk arrin që të behet lidere e Superliges, dhe mbetet ne pozitën e trete me 50 pikë dy më pak se lideri Ballkani, ndërsa Gjilani gjendet në pozitën e shtatë me 26 pikë./rajonipress/