Në lojë të dobët ndahen pikët

Gjilan – Në stadiumin e qytetit në Gjilan, në cilësinë e nikoqirit të Vllaznisë së Pozheranit është zhvilluar java e VIII-të e Superligës së Kosovës në futboll në mes Vllaznisë dhe Lirisë së Prizrenit, e cila është mbyllur pa u tundur rrjetat kundërshtare.

Në një lojë tejet të dobët gjatë 90 minutave asnjëra skuadër nuk ka bërë ndonjë gjuajtje drejt portave për të ndryshuar rezultatin.

Në minutat shtesë të lojës Vllaznia ka mundur të ndryshon rezultatin por sulmuesit e saj nuk ishin të vëmendshëm.

Sulmuesi i Vllaznisë, Shkumbin Salihu, pas një krosimi i pa penguar gjuan me kokë nga 7 metra mbi horizontalen e portierit të papunë atij mysafir, Edvon Bakaj.

Në minutën e 94-të, fatin e takimit të sotëm ka mundur ta vulos rezervisti Festim Alidema gjendet i vetmuar nga 5 metra me kokë dështon në portën mysafire.

Në stadiumin e qytetit takimin e sotëm e kanë përcjell rreth 700 shikues kryesisht nga qyteza e Pozheranit.

Ndeshjen me autoritet e ka drejtuar arbitri nga Gjakova, Besnik Batalli.

Vllaznia në javën e ardhshme do të takohet me Drenicën në Skenderaj./rajonipress/