Në lojë të dobët fiton Prishtina

Gjilan – Në stadiumin e qytetit në Gjilan në praninë e pak shikuesve, Vllaznia e Pozheranit në ballafaqim me Prishtinën ka pësuar humbje me rezultat minimal 1-0.

Ashtu siç është pritur futbollistët e Prishtinës kanë shënuar fitore të merituar, por në fushë kanë zhvilluar një lojë tejet të dobët pa raste shënime.

Futbollistët e Vllaznisë gjatë 90 minutave asnjëherë nuk arritën ta rrezikojnë portën e portierit të Prishtinës, Bekaj.

Golin e vetëm në këtë ballafaqim mysafirët e shënuan në minutën e 32-të, së pari Bozhoviq asiston gjerë te Mankenda i cili nuk e patë vështirë ta plason topin në rrjetën e portierit Arlind Gashit.

Mysafirët kanë mundur shumë lehtë të shënojnë në minutën e 67-të, por gjuajtjen e Baftiut, Gashi e mbron, të njëjtën mundësi e pati edhe Hoxha 5 minuta para përfundimit të ndeshjes, por edhe njëherë Gashi i Vllaznisë shpëton portën e tij.

Me këtë humbje Vllaznia e Pozheranit edhe më shumë po e përkeqëson pozitën e saj, duke u përshëndetur nga Superliga ndërsa Prishtina me këtë fitore po e mban hapin me Dritën për pozitën e parë.

Në javën e 29-të, Vllaznia është mysafire e Drenicës në Skenderaj./rajonipress/