Në Letnicë të Vitisë shënohet festa e njohur me emrin “Zoja e Letnicës”

Viti – Në fshatin Letnicë të Vitisë, është mbajtur sot mesha qendrore e festës së njohur me emrin “Zoja e Letnicës”.

Në shënimin e kësaj feste pos mysafirëve të shumtë nga vendet e ndryshme të botës kanë marrë pjesë edhe përfaqësues të Institucioneve Lokale të Vitisë, KFOR-it, Ambasadave të huaja ,besimtarë të krishterë etj.

I pranishëm në këtë manifestim tradicional, ishte edhe zv.kryetari i komunës së Vitisë Hasan Aliu. Përndryshe me qëllim të organizimit sa më të mirë të kësaj feste Komuna e Vitisë në bashkëpunim me mekanizmat tjerë ka hartuar paraprakisht edhe planin e veprimit, i cili sot është realizuar në përpikëri./rajonipress/