Në Kuvend të Kosovës

N’ Kuvend të Kosovës seç po fishkëllejnë pipëzat – Shefat japin shenjat se po fillojnë krizat ! N’ Kuvend të Kosovës seç na u bë tërmeti – Pozitë – opozitë luftojnë në mes veti !

N’ Kuvend të Kosovës po kërcasin grushtet –
Luftojnë deputetët për të mbërri n’ pushtet !
N’ Kuvend të Kosovës përdoren fjalë t’ tharta –
Luftojnë deputetët për pozita t’ larta !

N’ Kuvend të Kosovës derdhet ngjyrë e kuqe –
Luftojnë deputetët vetëm për kolltuqe !
N’ Kuvend të Kosovës po kërcasin shqelmat –
Luftojnë deputetët, përdorin dhe helmet !

N’ Kuvend të Kosovës po kërcasin shishet –
Luftojnë deputetët, mbledhja që të prishet !
N’ Kuvend të Kosovës po kërcasin gotat –
Luftojnë deputetët për t’ i mbledhur votat !

N’ Kuvend të Kosovës po kërcasin vezët –
Aty shahen nënat , aty shahen tezet !…
N’ Kuvend të Kosovës seç po hidhet tymi –
Shtyhen deputetët cili është ma trimi !

N’ Kuvend të Kosovës tymit po i vjen era –
Deputetet janë sëmurë të gjithë nga karriera !
N’ Kuvend të Kosovës seç po hidhet gazi –
Shtyhen deputet s’iu ndalet avazi !

N’ Kuvend të Kosovës seç po derdhen lotët –
Der’ sa t’ mbërrijnë n’ pozita – po iu ikin motet !
N’ Kuvend të Kosovës seç po hidhen gurët –
Seç po i thyhen dyert, dritaret dhe muret !…

N’ sheshe të qytetit seç po shkon rrëmujë –
Rrugët e qytetit po fshihen me gjunjë !…
Protestuesit lidhur n’ asfalt po i shtrijnë –
Rrugët e Prishtinës me shpinë po i fshijnë !

Gjilan, më 23.11.2015. Demir Krasniqi