Në Krenidell të Kamenicës katër veta përleshen, shtihet edhe me armë

Gjilan – Në fshatin Krenidell të Kamenicës katër (4) të dyshuar meshkuj shqiptarë pas një mosmarrëveshje në mes tyre ka ardhur deri tek të shtënat me armë zjarri njoftoj policia e Kosovës.

Sipas policisë nga arma e zjarrit është dëmtuar xhami i veturës së njërit nga të dyshuarit. Në vendin e ngjarjes janë gjetur dhe janë konfiskuar katër (4) gëzhoja të kalibrit 7.62 mm.

Arma e cila është përdorur në rast nuk është gjetur. Në brendi të veturës së dëmtuar janë gjetur disa mbështjellës të predhës dhe të njëjtat janë konfiskuar. Pas intervistimit me urdhër të prokurorit të dyshuarit janë liruar dhe rasti shkon në procedurë të rregullt./rajonipress/