Në Kosovë 1,695 raste aktive, 14,787 të shëruar dhe 657 të vdekur nga coronavirusi

Instituti Kombëtar i Shëndetit Publik bën të ditur se numri total i rasteve pozitive është 17.139 raste nga 81.704 persona të dyshimtë në virusin SARS-CoV-2 dhe 657 raste të vdekjes.

IKSHPK njofton se numri i përgjithshëm i të shëruarve deri më sot është gjithsej 14.787 raste, kurse numri i rasteve aktive është 1.695.

Infektologu Izet Sadiku një ditë më parë në një prononcim për Telegrafin ka thënë se jemi duke hyrë në një fazë në të cilën numri i rasteve të reja me COVID-19 mund të jetë i më i lartë.

E kjo sipas tij, mund të ndodh edhe nga lirimi i disa masave në vend si dhe nga virozat e ndryshme të cilat mund ta komplikojnë situatën.

“Javët e fundit kemi pas një rritje më të madhe edhe të numrit të rasteve në vendet evropiane me COVID-19, e cila tregon që po hyjmë në fazën në të cilën numri i rasteve me COVID-19, mund të jetë më i lartë. Ne veç kemi rritje të rasteve, edhe pse ky numër është më i vogël se vendet e rajonit. Kjo pasi të gjitha aktivitetet në Kosovë pothuajse janë liruar, si dhe virozat e ndryshme mund ta komplikojnë situatën me COVID-19 dhe rritja e numrit të rasteve do të jetë një gjë e pritur. Mund të ketë rritje të numrit të rasteve siç po ka edhe në vendet evropiane, ku shumë vende janë detyruar t’i kthejnë masat”, ka thënë ai. /Telegrafi/

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).