Në Konferencën mbarëkombëtare të Tiranës edhe mjekët nga Kosova

Gjilan – Në Konferencën mbarëkombëtare të shoqatës Oftalmologjike të mbajtur në Tiranë kanë marrë pjesë edhe mjekët nga Kosova Elhami Gornaci, Halil Ajvazi dhe Besim Maliqi. Mjeku gjilanas Halil Ajvazi ka prezantuar punimin shkencor “Menaxhimi i glaukomës neovaskulare në kushtet tona”.

Në Konferencën mbarëkombëtare që është mbajtur në Tiranë kanë marrë pjesë delegacione të shumta vendore e ndërkombëtarë që kanë prezantuar punime të ndryshme të nivelit shkencor. Në këtë konferencë Kosova është përfaqësuar nga dr. Halil Ajvazi, dr. Elhami Goranci dhe dr. Besim Maliqi.

Halil Ajvazi tha për rajonipress se ka qenë një nder për delegacionin e Kosovës që të prezantojë punime shkencore në këtë konferencë, të njihet me delegacione e mjek të kalibrit evropian dhe mbi të gjitha të dëgjoj e shoh përvojën dhe eksperiencën e mjekëve të rajonit.

Ajvazi ka paraqitur punimin shkencor të titulluar “Menaxhimi i glaukomës neovaskulare në kushtet tona” . Kjo temë sipas Ajvazit ka zgjuar një interesim tek pjesëmarrësit. Në këtë studim të Ajvazit janë përfshirë 116 pacientë me gnu, prej të cilëve 75 meshkuj dhe 41 femra e që janë trajtuar nga janari i vitit 2002 deri në shkurt të vitit 2012.

Nga studimi i Ajvazit shihet se rezultatet janë krahasuar me ato të studimeve të tjera ndërkombëtare dhe klinikave referente.”Në shumë aspekte rezultatet tona përputhen plotësisht me rezultatet e autorëve të huaj, por sa i përket trajtimit , është e qartë se rezultatet tona nuk janë të kënaqshme pasi përqindja e pacientëve me dëmtime të rënda është më e lartë “ ka thënë Ajvazi./rajonipress/

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).