Në Komunën e Vitisë ka rënie të aksidenteve në Komunikacion

Viti – Drejtoria për Kulturë, Rini dhe Sport në bashkëpunim me Këshillin e Veprimit Rinor Lokal dhe Stacionin Policor në Viti, kanë mbajtur sot një tryezë me temën “Siguria në Komunikacion”.

Gjatë këtij takimi u prezantuan edhe disa statistika të krahasuara me vitin paraprak, kryesisht që kanë të bëjnë me numrin e aksidenteve në këtë komunë. Hekrem Haliti, Shef i Operativës në Stacionin Policor në Viti, ka thënë se aksidentet në komunën e Vitisë, janë në rënie duke potencuar se në rënie të numrit të aksidenteve kanë ndikuar: prania e Policisë në teren, fushata vetëdijesuese, shqiptimi i gjobave kundërvajtësve dhe masa të tjera.

Ndërsa në këtë takim u bë me dije se shkaqet që më së shumti ndikojnë deri të aksidentet janë: mungesa e përshtatjes së shpejtësisë në komunikacion nga ngasësit e veturave, mos respektimi i rregullave dhe shenjave në komunikacion, gjendja teknike e automjeteve, pakujdesia në udhëkryqe etj./rajonipress/

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).