Në Karaçevë të Poshtme nuk mbahen orët e Biologjisë dhe Kimisë

Kamenicë – Selver Lenjani përmes një kërkese zyrtare ka njoftuar kreun e Kamenicës se në shkollën fillore “Asllan Thaçi” ka një muaj që nuk mbahet mësimi në lëndët e Gjeografisë dhe pjesërisht dhe në atë të Kimisë.

I nderuar kryetar Rahimaj:
“Këto lëndë nuk mbahen në mungesë të arsimtarëve të lëndëve përkatëse, duke humbur kështu nxënësit mësimin tash e gati dy vite. Kërkojmë nga ju zoti kryetar që urgjentisht të ndërmerrni një vendim për të plotësuar vendin e lëndës gjeografi dhe kimi. Nuk ka tmerr me të madh se të humbin nxënësit dhe të mungojnë arsimtarët e lëndëve të cekura më lartë” ka shkruar Lenjani.

“Kjo situatë po na përcjellë tash e një kohë dhe kurrë më keq nuk jemi kanën që nga koha e saj mbi 85 vjeçare e ekzistimit” ka kujtuar Lenjani.

Lenjani ka thënë se për këtë problem delikat do ta njoftojë edhe Ministrinë e Arsimit sepse edhe ata janë përgjegjës që mësimi të jetë i plotësuar në brezin kufitar dhe të ndiqet në kushte e rrethana normale. “Zoti Rahimaj ndërmerrni masa urgjente sepse ne nuk do të heshtim derisa të plotësohet kërkesa legjitime e banorëve dhe nxënësve të brezit kufitar” ka shkruar Lenjani./rajonipress/