Kamenicë – Donjeta Morina, delegate nga AKR, propozoi që bizneseve të cilave u ka ndërruar jetë pronari, tu falen borxhet. Të gjitha këto pika të rendit të ditës kaluan, duke u votuar unanimisht, përpos propozimit të delegates nga radhët e AKR-së.
Kuvendi Komunal ka mbajtur mbledhjen e dytë (II) të rregullt për vitin 2021. Mbledhjen e hapi kryesuesi i Kuvendit Komunal, Albert Sermaxhaj, ndërsa në mbledhje të pranishëm ishin Kryetari i Komunës, Qëndron Kastrati, delegatët, disa nga Drejtorët e Drejtorive Komunale, Shërbimi Profesional i Kuvendit, Zyrtari Kryesor Financiar, Naser Hashani.
Në rend dite për shqyrtim ishin këto pika:
1. Shqyrtimi i procesverbalit nga mbledhja e rregullt e Kuvendit Komunal Sh.01, Nr.4527, dt.22.02.2021.
2. Pyetjet e legjislativit drejtuar ekzekutivit,
3. Raporti Financiar për vitin e përfunduar më 31.12.2021, Sh.02, Nr.3768, dt: 12.02.2021,
4.Raporti Tremujor Financiar Tetor-Dhjetor (TM-4) 2020. Sh.05,Nr.3769,dt.12.02.2021,
5.Draft: Plani i punës së KKSB-së për vitin 2021. Sh.02, Nr.2585, dt: 02.02.2021,
6. Të ndryshme.
Pas hapjes së seancës u bënë edhe këto propozime për rend dite:
Besnik Rrudhani, delegat nga LDK, propozoi që të ndahet një mirënjohje për fotografin nga Kamenica, Arian Mavriqi.
Donjeta Morina, delegate nga AKR, propozoi që bizneseve të cilave u ka ndërruar jetë pronari, tu falen borxhet.
Të gjitha këto pika të rendit të ditës kaluan, duke u votuar unanimisht, përpos propozimit të delegates nga radhët e AKR-së që ka mbetur në shqyrtim për seancën tjetër./rajonipress/
