Në Kamenicë profesor e studiues shkencor debatojnë në tryezën me temën: “Një vështrim historik dhe shkencor”

Kamenicë – Kjo tryezë e organizuar nga Drejtoria për Kulturë, Rini dhe Sport ka mbledhur profesorë e njohës të kontekstit historik të asaj që vendi ka kaluar përgjatë luftërave të ndryshme si dhe përpjekjet e vazhdueshme të tij për kapërcim e arritje të lirisë.

Dje në kuadër të Ditës së Çlirimit të Komunës së Kamenicës është mbajtur tryezë shkencore me titull “Një vështrim historik dhe shkencor”.

Kjo tryezë e organizuar nga Drejtoria për Kulturë, Rini dhe Sport ka mbledhur profesorë e njohës të kontekstit historik të asaj që vendi ka kaluar përgjatë luftërave të ndryshme si dhe përpjekjet e vazhdueshme të tij për kapërcim e arritje të lirisë.

Rahimaj u ka uruar mirëseardhje profesorëve universitar, duke thënë se është shumë e rëndësishme që kur flasim për historinë, për më tepër kur qasja është edhe shkencore, nuk duhet kontribuar apo përkufizuar si zonë e ndarë nga tërësia, sepse në këtë rast kemi të bëjmë me një tërësi që është kombëtare.

“Zona, rajoni apo vendbanimi është e duhet të jetë pjesë përbërëse e qëllimeve kombëtare”-ka thënë Rahimaj.

Profesorët të cilët kanë lexuar kumtesat janë:
Bujar Dugolli-“Personalitetet që bënë histori për Kosovën nga rajoni i Kamenicës gjatë viteve 1945-1999,

Mrika Limani-Myrtaj-“Aspektet sociale mbi pjesëmarrjen e grave të Dardanës në lëvizje disidente dhe luftën çlirimtare”,
Mentor Hasani-“Praktikat e segregacionit dhe diskriminimit etnik nëpër shkollat shqipe”,
Skënder Lutfiu-“Trashëgimia kulturore e Kamenicës”,
Durim Avdullahu-“Lufta e Kosovës në literaturën në gjuhën angleze”,
Oktaj Hasani-“Kriza e tretë lindore dhe shpërngulja e shqiptarëve nga sanxhaku i Nishit dhe vendosja e disa familjeve në qytetin e Kamenicës”.

Të pranishëm në këtë tryezë kanë qenë edhe pjesëtarë nga Klubi Letrar “Nositi”, në mesin e tyre Nexhat Rexha i cili ka vlerësuar lartë tryezën e organizuar duke thënë që përbërja e cila është prezantuar të jetë edhe e shkruar sepse vetëm ashtu mund të ruhen të dhëna që janë domethënëse edhe për ditën në fjalë por edhe për historinë e re./rajonipress/