Në Kamenicë mbahet mbrëmja e fundvitit me bizneset lokale, Rahimaj me falënderime për kontributin e bizneseve

Kamenicë – Drejtoria për Zhvillim Ekonomik dhe Diasporë ka mbajtur mbrëmjen e fundvitit me biznese dhe bashkëpunëtor të Komunës së Kamenicës.

Në këtë event kanë marrë pjesë Kryetari Kadri Rahimaj, Drejtoresha Burbuqe Leka, zv.Ministri i Ministrisë së Industrisë, Ndërmarrësisë dhe Tregtisë, Mentor Arifaj, pronarë të bizneseve e bashkëpunëtorë të Komunës së Kamenicës.

Rahimaj ka falënderuar pronarët e bizneseve të Kamenicës për punën që janë duke bërë duke ndikuar në rritjen e zhvillimit ekonomik në komunë.

Edhe Drejtoresha Burbuqe Leka falënderoi pronarët e bizneseve dhe bashkëpunëtorët e tjerë për punën e tyre dhe bashkëpunimin dhe mbështetjen e ndërsjellë që kanë me institucionet komunale.

Rahimaj dhe Leka së bashku me zv.Ministrin Arifaj kanë diskutuar edhe për ndikimin e bizneseve të vogla dhe të mesme në zhvillimin ekonomik lokal.

Ndër të tjera në këtë mbrëmje u ndan dymbëdhjetë çmime për disa nga bizneset e suksesshme të Kamenicës në fusha të ndryshme./rajonipress/