Në Kamenicë fëmijët njihen me të drejtat dhe përgjegjësitë e tyre përmes ligjëratave

Kamenicë – Në Shkollën Fillore të Mesme të Ulët “Fan.S.Noli” në Kamenicë, me nxënësit e klasave të dyta u mbajt ligjërata me temën: “Të drejtat dhe përgjegjësitë e fëmijëve”.

Ligjërata u konkretizua me sllajde të përgatitura me një kujdes të veçantë, nga ligjëruesja Nazmije Demolli – Kastrati, Koordinatore e Njësisë Komunale për të Drejtat e Njeriut (NJKDNJ).

Gjatë prezantimit çështjet që u shtjelluan ishin: Të drejtat dhe përgjegjësitë e fëmijëve, në familje, shkollë dhe komunitet, si dhe konventa për të drejtat e fëmijëve.

Më interesante për nxënësit ishte prezantimi sllajdeve me anën e vizatimeve, sepse kjo atyre u bëri shumë përshtypje, të cilët nuk hezituan që të parashtrojnë pyetje të shumta që u interesonin.

Në fund nxënësve iu shpërnda Konventa për të Drejtat e Fëmijëve, e përgatitur nga Koordinatorja e NJKDNJ-së. Njësia Komunale për të Drejtat e Njeriut i falënderoi për bashkëpunim mësueset: Fatime Sylejmani, Arbenita Dervishi dhe Shpresa Ajvazi – Shehu, të cilat bashkë me nxënësit e tyre e mirëpriten këtë ligjëratë, e cila kishte për qëllim ngritjen e njohurive për të drejtat dhe përgjegjësitë e fëmijëve./rajonipress/

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).