Në Gjimnazin “Zenel Hajdini” në Gjilan ka vend edhe për 110 nxënës të rregullt…

Gjilan – Para dy dite, në Gjimnazin “Zenel Hajdini”, në Gjilan, ka përfunduar afati i parë i regjistrimit të nxënësve të rregullt në këtë vatër të dalluar të dijes së këtij qyteti. Si u informuam nga Nexhat Buzuku, z. drejtor i gjimnazit në fjalë, tash për tash, në këtë gjimnaz të drejtimit shoqëror-gjuhësor janë regjistruar 178 nxënës.

“Këtu ka kritere, se është shkollë që ka emër dhe kryesisht vijnë nxënës që kanë sukses dhe janë shembull. Tash për tash, kemi pranuar nxënës me notë gjer 3.95, ku nuk do ta ulim kriterin e regjistrimit. Por, shpresojmë se në afatin e dytë të regjistrimit do të na vijnë nxënës të merituar ku do të ketë vend edhe për 110 nxënës të rregullt. Këtu ka kushte pune e jete. Gjimnazi në fjalë është vatra më e hershme e arsimit të mesëm në këtë komunë. Andaj, nga ky gjimnaz kanë dalë me qindra e mijëra shkollarë të merituar, të cilët sot janë krenarë për shkollimin e tyre. Gjimnazi në fjalë do të pranojë 9 paralele, ku në klasën e X-të do t’i kemi 288 nxënës të rregullt” ka shtuar Buzuku, z. drejtor i gjimnazit në fjalë./tefik selimi/rajonipress/