Në Gjilan u pikturua vepra e lirisë, punim në gjatësi prej 20 metra për nder të 20 vjetorit të çlirimit

Gjilan – Nxënësit e shkollës së arteve pamore “Adem Kastrati” në Gjilan me kreativitetin e tyre artistik kanë pikturuar në ambient të hapur një punim të gjatë prej 20 metrash si simbolikë e 20 – vjetorit të çlirimit.

Kreu i Gjilanit, Lutfi Haziri, i ka përgëzuar nxënësit e kësaj shkolle për kreativitetin e tyre në këtë ditë historike, duke i falënderuar që iu bashkëngjitën aktiviteteve maratonike të Komunës së Gjilanit.

Kurse, drejtori i kësaj shkolle, Roland Masurica, tha se ky aktivitet u realizua në kuadër të aktiviteteve të Komunës, ndërkaq ka bërë tsë ditur se për vitin e ardhshme planifikohet që të realizohet një pikturë murale në qendër të qytetit e cila i kushtohet kësaj dite historike./rajonipress/