Në Gjilan shënohet 20 vjetori i themelimit të shoqatës “Yarin”

Gjilan – Komuna e Gjilanit në bashkëpunim me shoqatën “Yarin”, kanë organizuar koncert për 20 vjetorin e themelimit të kësaj shoqate dhe njëkohësisht me pjesëmarrjen e grupit “Krizantem Quartet” nga Universiteti Trakya të Edirnes, universitet në të cilën Leyla Osmanzade-Erkin, qytetare nga Gjilani, është profesoreshë në këtë institucion dhe e shpërblyer si artistja e vitit 2018 në Kosovë e shpallur nga shoqata e artistëve turk në Kosovë.

Në këtë eveniment kulturor kanë marrë pjesë edhe nënkryetari i Komunës së Gjilanit, Arbër Ismajli, ambasadori i Turqisë në Kosovë, Cagri Sakar, përfaqësues të KFOR-it turk dhe pjesëmarrës të tjerë të shumtë.

Në fjalën e tij nënkryetari i Komunës, Arbër Ismajli, ka thënë se Komuniteti turk në Gjilan është i integruar plotësisht në jetën shoqërore dhe njëkohësisht është kontribues i vazhdueshëm në të gjitha sferat në Gjilan.

Ai në emër të kryetarit të Komunës, ka ndarë një mirënjohje në shenjë falënderimi për shoqatën “Yarin”, e cila ka qenë organizatore dhe kontribuuese në shumë aktivitete brenda Komunës së Gjilanit, duke sjellë edhe donator të ndryshëm të cilët kanë dhënë kontributin e tyre për komunitetin dhe qytetarët në përgjithësi.

Kurse, në fjalën e tij ambasadori i Turqisë në Kosovë, Cagri Sakar, ka falënderuar institucionet lokale për bashkëpunimin që kanë me përfaqësuesit turk në Kosovë dhe për trajtimin e barabartë që e bëjnë ndaj komunitetit turk në këtë Komunë.

Ambasadori gjithashtu ka shprehur falënderimin e tij edhe për veprimtarinë të cilën e ka bërë deri më tani shoqata Yarin në fusha të ndryshme në Gjilan. /rajonipress/

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).