Në Gjilan prangoset një qytetar, posedonte kokainë

Gjilan – Policia e Kosovës, njësitet e specializuara nga Drejtoria për Hetimin e Narkotikeve, që veprojnë në Gjilan, në rrugën “Dardania I” në Gjilan, pas informatave të pranuara në teren përmes rrugëve operative, ka pranuar një informatë, gjatë zbatimit të Planit Operativ “Luftimi Rrugor i Substancave Narkotike 2016” se personi i dyshuar shqiptar shtetas i Kosovës (1993) mund të ketë në posedim një sasi të substancës narkotike, është vërejtur i dyshuari në veturën e tij Mercedez C320 ngjyrë e zezë me targa të shtetit Shqiptar.

I njëjti është ndaluar dhe kontrolluar ku gjatë kontrollimit në trup i është gjetur një paketim me Substancë Narkotike që besohet të jetë e Llojit Kokain. I dyshuari është arrestuar dhe vetura i është tërhequr nga policia.

Është bërë matja e substancës narkotike e cila ka peshuar tetë (8) Gram Substance Narkotike e llojit Kokainë në bazë të testit fushorë.

I dyshuari është intervistuar në prezencë të Avokatit mbrojtës dhe më pas me vendim të prokurorit të shtetit është ndaluar për 48 orë.

Lënda është nën hetime nga Hetuesit e DHTN në Gjilan njoftoj Ismet Hashani./rajonipress/