Në Gjilan mbahet pjesa e dytë e testit të Maturës Shtetërore

Gjilan – Në komunën e Gjilanit, si në të gjithë Kosovën, sot është mbajtur pjesa e dytë e testit të maturës shtetërore.Provimit iu nënshtruan 2236 nxënës të cilët janë administruar nga 128 administrues (mësimdhënës) nga Komuna e Lipjanit dhe mbikëqyren nga 26 mësimdhënës nga Prizreni.

Procesi është monitoruar nga 45 anëtarë të komisionit që janë 15 nga MASHT-it, 15 nga DKA-ja dhe 15 nga shkollat(drejtor dhe zv.drejtore).

Testi ka filluar me kohë dhe nuk është raportuar asnjë parregullsi në 15 qendrat e testimit që të përgatitur nga DKA-ja në Gjilan.

Drejtori i Arsimit në Gjilan, Nazmi Musa, ka vizituar të gjitha qendrat e testimit duke ju uruar të gjithë maturantëve përkushtim dhe suksese në pjesën e dytë të testit të Maturës Shtetërore./rajonipress/