Në Gjilan katër veta lëndohen nga mjetet piroteknike
Gjilan – Një tentim grabitje, një dhunë familjare dhe katër raste të lënduar nga mjetet piroteknike kanë shënuar mbrëmjen e ndërrimit të motmoteve.
Edhe në Gjilan ndonëse mot me acar të ftohtë qytetarët janë organizuar dhe kanë pritur ndërrimin e motmotove edhe në qendër të qytetit. Festa e Vitit të Ri krahasuar me vitet e mëparshme ka kaluar dukshëm me më pak të lënduar raporton rajonipress.
Drejtori i spitalit të Gjilanit Abdylatif Latifi tha për rajonipress se në emergjencën e këtij spitali ndihmë kanë kërkuar katër persona të lënduar nga mjetet piroteknike. Sipas tij një person ka marrë lëndime të lehta në sy.
Policia ndërkaq e ka vlerësuar të qetë gjendjen e sigurisë në rajonin e Gjilanit. Ismet Hashani ka konfirmuar se ka pasur një tentim grabitje dhe një dhunë familjare në orët e fundit të ndërrimit të motmoteve./rajonipress/