Në Gjilan kamp i futbollit ndërkombëtarë, shpresë për talentët e rinj

Gjilan – Për herë të parë dashamirët e futbollit në Gjilan e veçanërisht kategoritë e reja të futbollit për tri ditë radhazi me 23, 24 e 25 qershor, do të testohen nga menaxherët ndërkombëtar në stadiumin e qytetit në Gjilan.

Kampi i futbollit do të jetë rajonal dhe ndërkombëtarë ku do të testohen grupmoshat nga mosha 15, 16, e 17 vjeç.

Për tri ditë radhazi stadiumi i qytetit në Gjilan do të jetë arenë e talentëve të futbollit ku do të përcjellën nga menaxherët të licencuar në FIFA nga Holanda, Italia, Franca, Maqedonia e Shqipëria.

Një mundësi të tillë e ka bërë ish futbollisti Gjilanas i cili një kohë të gjatë ka mbrojtur ngjyrat e C.Zvezdës së Gjilanit dhe Dritës i cili i pasionuar pas futbollit pas shumë kontakteve dhe përgatitjeve të cilat i ka pasur ka arritur që t`ju mundëson këtyre talentëve të shpalosin dijen e tyre futbollistike drejt arenës ndërkombëtare.

“Jam shumë i lumtur dhe i emocionuar që në qytetin tim po organizohet një kamp i tillë, do të jetë me karakter ndërkombëtar të mbikëqyrur nga njerëzit të cilët anembanë botës nxjerrin talent të futbollit dhe kjo mundësi po ju jepet këtyre djelmoshave që në një ditë të afërt t`i mbrojnë ngjyrat e klubeve të mëdha evropiane”, ka bërë të ditur për rajoninpress Bunjaku.

Ish futbollisti Gjilanas thekson se si do të bëhet edhe përzgjedhja e talentëve të rinjë, “Do të bëjmë përpjekje të përzgjedhim më të mirët, dhe më të talentuarit këto gjëra do t`i vendosin këta trajner e menaxher të futbollit, do ta formojmë një skuadër të futbollit nga këta talent dhe pas një muaji me këta talent do t`i vizitojmë disa shtete perëndimore në disa turne të mëdha futbollistike dhe kanë rast këta djelmosha ta shpalosin tërë potencialin e tyre futbollistik sepse një mundësi e tillë nuk vjen çdo herë”.

Përkrahje Bunjaku ka marrë edhe nga Komuna e Gjilanit për shfrytëzimin e stadiumit të qytetit në Gjilan dhe bën të ditur se është një interesim i jashtëzakonshëm nga mbar Republika e Kosovës dhe Rajoni./rajonipress/