Në Gjilan formohet klubi futbollistik Balli Kombëtar

Gjilan – Partia Balli Kombëtar me seli në Gjilan, përpos aktiviteteve politike ajo ka shtrirë krahët e saj edhe në fushën e sportit.

Sportit të futbollit të Komunës së Gjilanit do ti shtohet edhe një klub futbollistik, Balli Kombëtar e cila do të garon në Ligën e Dytë Grupi B.

Siç ka bërë të ditur kryetari i partisë së Ballit Kombëtar me seli në Gjilan, Ibrahim Ismajli, ky klub do të jetë për të mirën e futbollit dhe rinisë jo vetëm të
Komunës së Gjilanit por në tërë Republikën e Kosovës .

“Duke e parë interesimin e të rinjëve të Komunës sonë, së bashku me strukturat e partisë dhe në krye me kryetarin tonë Selman Berisha, kemi vendosur që nga shtatori skuadra më e re në futbollin e Kosovës, Balli Kombëtar, të starton në Ligën e Dytë Grupi B, gjerë më tani është një interesim i jashtëzakonshëm i të rinjëve të bashkëngjiten në radhët e “kuq e zinjëve” të klubit të cilat fanellat do të jenë kuq e zinjë, gjerë më tani mbi 25 futbollist janë paraqitur në klubin tonë, ne kemi aspirata që brenda një viti të jemi pjesë e Ligës së Parë, ndërsa donatorët do të jenë kryesisht nga diaspora”.

Klubi i ri futbollistik, Balli Kombëtar, do t’ju bashkëngjitet klubeve të Komunës së Gjilanit: Dritës, Gjilanit, Bashkimit e Galaksisë.

Siç bëjnë të ditur udhëheqësit e këtij klubi, për herë të parë një klub futbollistik me emrin Balli Kombëtar është paraqitur në vitin 1939 në Shqipëri dhe këtë vazhdimësi dëshirojnë ta vazhdojnë pas plot 79 vitesh./rajonipress/