Në Gjilan e Viti raste të tentim dhunimit, kërcënim e gjetje armësh

Gjilan – Është arrestuar i dyshuari mashkull shqiptar, pasi që i njëjti ka tentuar ta dhunojë viktimën femër shqiptare. I dyshuari është intervistuar dhe me vendim të prokurorit është dërguar në mbajtje.

Në Gjilan gjithashtu është shënuar një rast i pengimit zyrtar. Janë arrestuar dy të dyshuar meshkuj shqiptarë, pasi që të njëjtit kanë kërcënuar verbalisht viktimën mashkull shqiptar njoftoj policia e Kosovës. Të dyshuarit janë intervistuar dhe me vendim të prokurorit njëri prej tyre është dërguar në mbajtje.

Kurse në fshatin Ballancë, të Vitisë një mashkull shqiptar ka njoftuar në Polici se derisa ka qenë duke renovuar shtëpinë ka gjetur një AK-47 me 65 fishekë të kalibrit 7.65 mm. dhe dy revole të llojit Ekol me 56 fishekë të kalibrit 8mm. Njësitë e hetuesisë dhe forenzikës kane konfiskuar armët./rajonipress/