Në Gjilan e Anamoravë falet Fitër Bajrami me urimin për harmoni, solidaritet e begati familjare

Gjilan – Shumë besimtar në Gjilan e Anamoravë sot i janë drejtuar xhamive për të falur Fitër Bajramin. Krerë dhe imam të shumtë në këtë ditë janë lutur për solidaritet, harmoni, begati e afërsi familjare.

Qytetar të shumtë, i madh e i vogël sot i janë drejtuar xhamive të Anamoravës për ta falur Fitër Bajramin.

Qytetar të shumtë janë lutur që të jenë solidar në këto ditë të veçantë.

Kurse imam e krerë të BIK-ut kanë kërkuar harmoni familjare e solidaritet vëllazëror në çdo familje shqiptare.

Ligjëratën e ka mbajtur Sylejman Osmani, namazin e Fitër bajramit Nazmi Kazazi, hytbën dhe mesazh e Fitër bajramit kryeimami Iljaz ef Mustafa, kurse duan e Bajramit kryetari i BIK Naim Aliuin.

Iljaz Mustafa ka thënë se Bajrami është koha e takimeve vëllazërore, është moment i shprehjes së dashurisë dje respekti për familjet tona, për fqinjët tanë dhe për të gjithë njerëzit, moment i pajtesës.

Naim Aliu kreu i BIK-ut ka thënë se Festa e Fitër – Bajramit ngërthen në vete rikujtimin dhe përkushtimin ndaj Krijuesit të gjithësisë, të cilin besimtarët me të madhe e shprehën edhe gjatë muajit të madhëruar të Ramazanit. Na bashkoi adhurimi ndaj Zotit, bamirësia, mirëkuptimi, zeqati e sadakaja, solidariteti dhe përkujdesja ndaj të varfërve, ndaj nesër krenarë e ballëhapur e festojmë Fitër- Bajramin.
Le të frymëzohemi edhe me këtë rast, nga këto momente më të bukura për besimtarin ngase ai sot përfundon agjërimin e muajit të Ramazanit, kryen një obligim që i ka caktuar Zoti, dhe me të drejtë pret të shijoj begatitë që ka dhuruar i Madhi Zot për njeriun, ndaj duhet vazhduar me vepra të mira, në mënyrë që Zoti të jetë i kënaqur me veprat tona, ngase të gjithë bashkë jemi përgjegjës para Zotit për veprat tona.

Të nderuar qytetarë ! vëllezër e motra !
Kurani mbështet konceptet e moralit, dashurisë e mëshirës, përkushtimit e sakrificës , tolerancës dhe paqes, besimtari i pajisur me këto virtyte përhap dashuri, respekt, harmoni e kënaqësitë për të gjithë njerëzit që janë të prirë të punojnë vepra të mira.

Islami nëpërmjet agjërimit dhe adhurimeve të tjera i ka pastruar shpirtrat e njerëzve nga urrejtja e xhelozia, i ka dëlirësuar nga egoizmi pangopësia e koprracia duke i udhëzuar ne respekt ndaj njëri tjetrit, në ngritjen e një shoqërie humane, në të cilën gjykon dashuria hyjnore, e ngritur mbi principe të fuqishme të drejtësisë, bamirësisë e mëshirës.

Nisur nga këto parime unë ju porosis të gjithëve që të shtrini dorën e ndihmës ndaj skamnorëve, jetimëve dhe të gjithë atyre që janë ne nevojë. Ashtu si ishim të bashkuar, human e të dinjitetshëm, tolerant e të disiplinuar gjatë muajit të agjërimit, ashtu duhet të jemi bashkë e unik gjithherë për të çuar përpara vendin tonë atje ku synojmë të gjithë.

Në fund më lejoni që edhe një herë t’ua uroj nga zemra Fitër- Bajramin të gjithë vëllezërve e motrave tona, kudo që gjenden ka shkruar Naim Aliu./rajonipress/