Në Gjilan arrestime për prostitucion e armë

Gjilan – Në rrugën “Bulevardi i pavarësisë”, në Gjilan janë arrestuar dy të dyshuar, një mashkull dhe një femër shqiptare, pasi që për të njëjtit ekziston dyshimi i bazuar se kanë kryer veprën e prostitucionit njoftoj policia e Kosovës.

Pas intervistimit me urdhër të prokurorit të dyshuarit janë liruar në procedurë të rregullt.

Kurse në rrugën “Ramiz Cërnica”, në Gjilan raportohet se gjatë kontrollit në veturën e të dyshuarit mashkull shqiptar është gjetur dhe konfiskuar një armë e tipit “Walter”, tre karikatorë dhe 18 fishekë të kalibrit 9X19 mm. I dyshuari është arrestuar dhe pas intervistimit me urdhër të prokurorit lirohet në procedurë të rregullt.

Arrestime ka pasur edhe në fshatin Pasjan të Parteshi, në bazë të urdhëresës së lëshuar nga Gjykata Themelore në Gjilan është arrestuar i dyshuari mashkull serb dhe i njëjti dërgohet në vuajtje të dënimit.

Edhe në rrugën “Adem Jashari”, në Gjilan në bazë të urdhëresës së lëshuar nga gjykata është arrestuar i dyshuari mashkull serb dhe i njëjti dërgohet në vuajtje të dënimit./rajonipress/