Klubi i Gjimnastikës “Halil Alidema” në garat shtetërore në mënyrë atraktive është paraqitur me 12 gjimnaziste nga Gjilani e Vitia, aftësitë e tyre i kanë paraqitur në 9 disiplina duke fituar 17 medalje.
Ky klub mjaft atraktiv është paraqitur në kategoritë e parayllkave, yllkave, parapionire, pioniere dhe juniorëve, duke dëshmuar se në mesin e këtij klubi ka shumë talente e talent tejet të mirë.
Këto janë rezultatet e gjimnasteve të KGJ “Halil Alidema”:
Kategoria parayllka: Ana Gjashi, medalja e bronztë në tra.
Kategoria Yllka: Alea Alidema, medalja e artë në kapërcime, Lorina Halimi, medalja e argjendtë në tra dhe Berika Rashiti, medalja e bronztë në tra.
Kategoria parapioniera: Eliza Ramadani, medalja e artë në parter dhe medalja e argjendtë në tra. Enea Miftari, medalja e argjendtë në kapërcime dhe medalja e bronztë në tra dhe parter. Arbesa Zejnullahu, medalja e argjendtë në parter.
Kategoria pioniere: Ariola Ajvazi, medalja e artë në parter e kapërcime, medalja e bronztë në tra.
Kategoria juniore: Aksel Murtezi, medalja e artë në parter, tra dhe kapërcime.
Nga 14 klube të gjimnastikës sa i ka Federata e Gjimnastikës, KGJ “Halil Alidema” ka dalë ekipi më i mirë, që është edhe një dëshmi se në këtë klub punohet me profesionalizëm e me përkushtim. Pos kryesisë së klubit e prindërve, punës së palodhshme të kryetrajnerit Hazir Alidema, një meritë e veçantë i takon edhe trajnerit Ard Kryeziu dhe të gjithë atyre që në çfarëdo mënyre i dalin në ndihmë këtij kolektivi të vyeshëm. /rajonipress/
