Në fshatrat Petroc dhe Hogosht policia konfiskon armë dhe substanca narkotike

Gjilan – Në fshatin Petroc, të Kamenicës gjatë kontrollit në shtëpinë e të dyshuarit mashkull kosovar janë gjetur dhe sekuestruar: një pistoletë dhe 49 fishekë të kalibrave të ndryshëm. Në lidhje me rastin është konsultuar prokurori i shtetit i cili rekomandon që rasti të procedohet në procedurë të rregullt.

Poashtu në fshatin Petroc, të Kamenicës gjatë kontrollit në shtëpinë e të dyshuarit mashkull kosovar janë gjetur dhe sekuestruar: 3.7 gram substancë narkotike e llojit kokainë, 0.9 gram substancë narkotike e llojit heroinë dhe 4.4 gram substancë narkotike e llojit marihuanë. Me vendim të prokurorit rasti vazhdon të hetohet në procedurë të rregullt.

Kurse në fshatin Hogosht, të Kamenicës është raportuar se gjatë kontrollimit në shtëpinë e të dyshuari mashkull kosovar, është gjetur dhe sekuestruar një sasi substancë e dyshuar narkotike e llojit marihuanë në peshë 5.2 gram. Nuk raportohet për të arrestuar njoftoi policia e Kosovës./rajonipress/