Viti – Në fshatin Ramnishtë, të Vitisë me dyshimin e bazuar për kryerjen e disa rasteve të vjedhjeve dhe vjedhjeve të rënda janë arrestuar tre të dyshuar meshkuj kosovar. Me vendim të prokurorit të dyshuarit janë dërguar në mbajtje.
Kurse në fshatin Stubëll, të Vitisë njësitë policore gjatë kontrollit të automjetit me targa vendore të cilin e drejtonte i dyshuari mashkull kosovar kanë gjetur 15 thasë duhan të përpunuar i cili dyshohet të jetë i kontrabanduar. Ndërlidhur me rastin njësitë policore kanë kontrolluar edhe një shtëpi pronë e të dyshuarit tjetër mashkull kosovar ku kanë gjetur 10 thasë duhan të përpunuar. Me urdhër të prokurorit malli i kontrabanduar (duhani) është sekuestruar dhe dorëzuar në doganë, ndërsa rasti vazhdon në procedurë të rregullt njoftoi policia e Kosovës./rajonipress/
