Në Dajkocë të Kamenicës digjet shtëpia dy katëshe

Gjilan – Të hënën rreth orës tre të mëngjesit të ditës së sotme është ndezur një shtëpi dy katëshe e familjes Hasan Iljaz Krasniqi nga fshati Dajkovcë. Edhe pse ekipet e zjarrfikësve kanë intervenuar me kohë dhe në mënyrë profesionale , prapëseprapë zjarri i pa mëshirshëm gëlltiti pasurin që Hasani kishte brenda në shtëpi tha për rajonipress Ramadan Berisha operator në zyrën e alarmimit dhe koordinimit emergjent në Kamenicë.

Sipas Ramadan Berishës shkaktari i zjarrit ende nuk dihet kurse familja e Hasan Krasniqit tashmë është vendosur përkohësisht tek vëllai i tij.

Berisha tha se shkaktari i zjarrit ende nuk dihet deri sa ekipet e hetuesisë të mos e bëjnë hulumtimin e shkaktarit të zjarrit.

Kryefamiljari Hasan Krasniqi derisa po mundohej të shuante zjarrin edhe ka marrë lëndime trupore për çka edhe ka kërkuar ndihmën e mjekut në emergjencën e Gjilanit tha Berisha./rajonipress/