Në Bibliotekën “Fan Noli” në Gjilan, u përurua libri “Udhëtimi i jetës” i autores së re Anila Daku

Gjilan – Para të pranishmëve, për këtë libër foli Tahir Arifi, i cili shpalosi vlerat e këtij libri, duke potencuar se i takon zhanrit eseistik me premisa morale dhe shpalos preokupimet rinore jo vetëm të autores po edhe të brezit të saj.

Në vetën e parë apo të dytë, si vetë urdhërore, theksoi Arifi, autorja shpërfaqë sfida morale në raportet familjare e shoqërore duke sugjeruar rrugë të tejkalimit të sfidave.

Ai potencoi edhe nevojën e ndërrimit të zhanrit për autoren në librat e tjerë si edhe probleme të tjera si libër i parë i një autoreje të re.

Për librin e Anilës, foli edhe dr. Fatmir Selimi, i cili potencoi në veçanti shkrimin e thirrjen në njohjen e vetvetes.

Në fjalën falënderuese, autorja falënderoi familjen e gjithë ata që e kanë mbështetur në rrugëtimin e saj, duke treguar edhe motivimin dhe nevojën që ta rrëfejë botën e brendshme të saj përmes këtij libri./rajonipress/