Në Anamoravë arrestime për substanca narkotike, dhe vjedhje të rënda

Gjilan – Në fshatin Mogillë, Kllokot të Vitisë janë arrestuar tre të dyshuar meshkuj kosovarë pasi që gjatë kontrollit të tyre dhe vendbanimeve të tyre, u janë gjetur dhe konfiskuar 34.2 gram substancë narkotike e llojit marihuanë.

Me vendim të prokurorit dy të dyshuar janë dërguar në mbajtje, ndërsa njëri nga ta është liruar në procedurë të rregullt.

Edhe në fshatin Topanicë, të Kamenicës është arritur që të identifikohet dhe të arrestohet i dyshuari mashkull shtetas i Serbisë, pasi që kishte kryer dy vjedhje në dy lokale të ndryshme, të viktimave meshkuj kosovarë.

Me vendim të prokurori i dyshuari është dërguar në mbajtje njoftoi policia e Kosovës./rajonipress/