Në 40 vjetorin e vrasjes së intelektualit të madh të çështjes kombëtare Vehbi Ibrshimi alias Besnik Gjilani

Gjilan – Sot kujtojmë me shumë dhembje e krenari patriotin e shquar Vehbi Ibrahimi. Lindi para 83 viteve në fshatin Uglar të Gjilanit rrëzë Maleve të Karadakut të Idriz Seferit.

Si i vogël Vehbiu ishte i frymëzuar nga ninulat e tregimet e gjyshit të tij Ramizit dhe babait të tij Rexhepi si dhe nënës së tij Hanemshahe nga Zhegra së cilës pushteti i atëhershëm ia pushkatoj 15 anëtarët e familjes!

Vehbi Ibrahimi do të frymëzohet edhe nga mësuesit e tij e sidomos nga mësuesi patriot Mustaf Het Koka.

Shkollën fillore Vehbiu e mbaroi në fshatin e lindjes shkollën e mesme në Tuzlla të Bosnë Hercegovinës e në vitin 1961 regjistrohet në Fakultetin e Xehetarisë në Tuzlla. Pasi u stabilizova në konviktin e studentëve rrëfen Vehbiu dhe pas çdo seminari dilja të shëtitëm në qytet pasi nuk e njihja mirë këtë qytet pitoresk dhe po aq historik.
Në parkun e qytetit Vehbiu do ta takoj Shaban Tërstenen i cili ishte nga Sllakovci i Gjilanit dhe ky i cili ishte bashkëpjesëmarrës në likuidimin e Grupit patriotik krye me Hasan Ali Rdmnikun.

Shabani i kishte tregu gjithë ngjarjen! Por këtij UDB-ja nuk ja kishte ba premtimin! Dhe kishte ik në Tuzlla!
Patrioti Vehbi Ibrahimi takoi shokët e ideales në këtë qytet si Emin Jetishin nga fshati Uglar – Gjilan, Qerim Shala nga Poneshi – Gjilan, Qazim Qazimi e Masar Morina nga Mitrovica, Baki Limani e Ramadan Musliu nga Tetova të cilët për shkak të aktiviteteve politike ishin shpërngul në Tuzlla.

Më 1961 Vehbiu kthehet bashkë me jatakun e tij Daut Dauti nga Uglari. Vehbiu punësohet në Kombinatin e Tekstilit në Gjilan. Këtu takon shokët e ideales si Ejup Isufin nga fshati Zhegër, Avdush Ramadani Sali Dalihu nga Gjilani, Xhemail Shurdhani, Refik Dizdari etj.

Vehbiu formoi SHOQËRIN ISMAIL QEMALI

Patrioti Vehbi Ibrahimi në një mbledhje mori fjalën dhe mbajti një fjalim të zjarrtë ku Demaskoi regjimin Titist Rankoviqist, përshkruaji masakrat e bëra në Karadak nga serbët. Vehbiu do te burgoset e do maltretohet disa herë. Me 1968 organizoj dhe mori pjesë nē demonstrata kundër regjimit fashist jugosllav.

Dhe me 2.3.1969 u nisa për Austri shkruan Vehbi Ibrahimi dhe me vete kisha një libër interesant “Zëri i Fshehtësisë ushtarake” me mua ishte një shqiptar me lajmëroi dhe me burgosen dhe pas shumë peripecive arrita në muajin qershor të dal në Austri!

Nga Austria, Vehbiu do të vije edhe njëherë në Kosovë më 10 prill 1972 në Kuvendin themeltar të BKDSh e mbajtur në fshatin Novosellë e Begut afër Vushtrrisë.

Vehbiu vije në cilësinë e gazetarit francez dhe kishte lëshuar mjekrën pa e vërejtur fare organet e pushtetit! Kthehet në Austri e nga atje më 21 tetor 1973 shkon në Belgjikë në Bruksel.

Edhe në Bruxelles zhvillon aktivitete patriotike me Shoqërinë “Ismail Qemali”. Më 1975 Vehbiu shkon në Angli ku ndjek një kurs ushtarak 6 javor për detyra speciale.

Më 1977 ne Kongresin e Dytë BKDSH zgjidhet Arkëtar për Diasporë dhe Zv/ komandant i Këshillit Ushtarak ” Mbrojtja e Shqipërisë Etnike”.

Më 1979 Vehbiu zgjidhet n/kryetar i BKDSH.
Vehbi Ibrahimi ishte kryetar i Besëlidhjes Kombëtare me seli në Bruksel.
Më datë 18.09.1981 rreth orës 22.30 Vehbiu e vizitoi poetin Jusuf Gërvalla në banesën e tij në Untergruppenbach Gjermani biseduan për koordinimin e veprimeve kombëtare. Dhe pas 22 ditëve nga ky takimi patrioti Vehbi Ibrahimi do të vritet në një atentat para derës së shtëpisë së tij ne Bruksel nga UDB-ja jugosllave ndërsa vëllezërit Gërvalla dhe patrioti Kadri Zeka do të vriten 4 muaj më vonë, po nga e njëjta dorë gjakatare!

Patrioti Vehbi Ibrahimi u varros më 17 tetor 1981 në varrezat e Skarbekut në Bruksel dhe më 2001 u rivarros në fshatin Uglar, ndërsa më 2011 eshtrat e Vehbiut u vendosën në Kompleksin Varret e Dëshmorëve në Gjilan!

Lavdi për jetë e mot jetës dhe veprës së dëshmorit të Parë në Diasporë VEHBI IBRAHIMI!

Autori: Hazbi Lalinca kryetar i Shoqatës Kulturore Shqiptare ” Vehbi Ibrahimi ” Suedi

10.10.2021