Ndryshimi po vjen si uragan!

Nga Ismet Rashiti – Ditët e fundit të qeverisjes së vjetër. Sipas sondazheve të porositura dhe të paguara nga vet LDK-ja, del se Kandidati i Lëvizjes Vetëvendosje, Sami Kurteshi, prinë me 44% te votave, i dyti Lutfi Haziri i LDK-së me 32 %, Zenun Pajaziti me 19% dhe të tjerët me 5%. Po përfundon logjika e qeverisjes përmes mashtrimit, premtimeve të kota, korrupsionit dhe demagogjisë. Ndryshimi do të ndodhë vetëm me Lëvizjen Vetëvendosje dhe Sami Kurteshin, kryetar!

Gjendja ekonomike në komunën e Gjilanit nuk dallon aspak nga situata e përgjithshme në Kosovë. Që nga çlirimi i vendit, Gjilani është udhëhequr herë nga LDK-ja, e herë nga PDK-ja, parti këto ndonëse dallohen në emra, veprimet i kanë të njëjta ose të përafërta. Të udhëhequra nga logjika e sundimit edhe njëra edhe tjetra parti, nuk kanë lënë mjet, as formë pa shfrytëzuar për ta mbajtur sa më larg qytetarin nga realiteti. Kjo mënyrë e udhëheqjes, në vend të transparencës mbi realitetin dhe qeverisjen e vendit, bashkë me qytetarët sipas mundësive që kanë afruar fondet zhvillimore, ka instaluar metodën e mashtrimit, demagogjisë dhe premtimeve të kota me të cilat tashmë janë lodhur së tepërmi gjilanasit. E gjithë kjo maskaradë e papërgjegjshme politike është bërë, jo pse nuk është kuptuar me kohë nga qytetarët gjilanas, por duke shfrytëzuar pa fije turpi urtësinë atdhedashurinë e madhe të qytetarëve për shtetin e sapo formuar me shumë sakrifica.

Logjika e udhëheqjes së institucioneve komunale, duke shkelur ligjin në të gjitha e fushat, e më së shumti në dhënien e tenderëve sipas preferencave partiake e klanore me qëllim përfitimi, pastaj nepotizmi dhe premtimet për investime pa mbulesë financiare, kanë qenë veprime më të papërgjegjshme që u kanë sjellur dëme të pallogaritshme gjilanasëve.

Kjo logjikë e veprimit tashmë është bërë e neveritshme për të gjithë, ndaj askush nuk iu beson dhe nuk i merrë seriozisht. Përkundrazi, kanë krijuar nervozë dhe po bëjnë efekte të kundërta. Investimet e vogla të këtyre ditëve në ndërtimin e ndonjë rrugice apo të ndonjë cope kanalizim, por edhe veprimet qesharake për mbjelljen e luleve në këto ditë vjeshte kanë krijuar një uragan pakënaqësie kundër kryetarit aktual të Gjilanit, i cili edhe më tej po përpiqet ta marrë pushtetin me veprime te vjetra.

Në këtë mënyrë qytetarët e Gjilanit, pa përjashtim, po ndihen të fyer me këto sjellje hipokrite e nënçmuese që po i bëhet inteligjencës qytetare. Investimet dhe ndërtimet shkel e shko elektorale, sipas të gjitha fakteve, kanë ndikuar si një tërmet i fortë në rritjen e madhe të besimit në Lëvizjen Vetëvendosje.

Sipas burimeve të besueshme, nga një sondazh i porositur dhe paguar nga LDK-ja, delë se gjatë këtyre ditëve është rritur së tepërmi përkrahja e qytetarëve gjilanas për LVV dhe kandidatin e saj për Kryetar të Gjilanit, z. Sami Kurteshi. Sipas këtij sondazhi në zgjedhjet e 22 tetorit, i pari del Sami Kurteshi nga LVV me 44%, i dyti Lutfi Haziri i LDK-së me 32% , i treti, Zenun Pajaziti nga PDK me 19% dhe të tjerët me 5%.

Këto të dhëna flasin më së miri se sa shumë e kanë humbur besimin qytetarët e Gjilanit në partitë e deritashme që kanë udhëhequr këtë komunë me logjikën e mashtrimit, ndërskamcave, premtimeve marramendëse të cilat asnjëherë nuk i kanë realizuar ashtu siç kanë thënë.

Kjo mënyrë e veprimit, në asnjë rast nuk do të përsëritet me Lëvizjen Vetëvendosje dhe Kryetarin, Sami Kurteshi, i cili atë që e thotë me gojë, e bënë realitet . Ndryshimi i madh pritet të bëhet vetëm me Lëvizjen Vetëvendosje dhe kandidatët e saj për Asamblenë Komunale të cilët atë që e thonë me gojë, e bëjnë realitet. Me LVV, përveç që do të zhvillohet Gjilani në të gjitha fushat e jetës, do të krijohet edhe besimi i plotë në mes institucioneve komunale dhe qytetarëve, i cili përgjatë një dekade e gjysmë, u ka munguar gjilanasëve.

Besimin e qytetarëve kanë ditur ta keqpërdorin në mënyrën më të keqe të mundshme udhëheqësit e deritashëm, krejtësisht të papërgjegjshëm dhe të korruptuar që kanë ditur të punojnë vetëm për interesa të ngushta personale dhe klanore, kuptohet duke abuzuar me institucionet dhe durimin e deritashëm qytetar./rajonipress/