Ndotja e ambientit shqetësuese për qytetarët e Vitisë

Viti – Edhe pse ndezja e zjarreve dhe ndotja e ambientit është e sanksionuar me ligj, qytetarë të pa përgjegjshëm ende vazhdojnë me ndotje të ambientit dhe ndezje zjarresh. EVSB, apelon tek qytetarët se, dukurit e tilla duhet ndaluar, dhe fton organet përkatëse, që personat e pa përgjegjshëm të marrin dënimin e merituar.

Në orët e pasditës është vërejtur një tym i zi, i cili shkonte duke u zgjeruar dhe duke e mbuluar hapësirën, duke kundërmuar dhe ndotur ambientin.

Fotot e dërguara nga qytetarët tregojnë qartë,vendndodhjen dhe ndotjen e ambientit nga ndezja e zjarrit, shkaktuar nga faktori njeri.

Shkaktar për ndotje të ambientit ishte faktori njeri, tymi ishte shkaktuar nga ndezja e gomave dhe llojeve t’jera nga plastika.

Vendndodhja ishte në dalje të fshatit Pozheran, në drejtim të qytetit të Vitisë.
Edhe pse ndezja e zjarreve dhe ndotja e ambientit është e sanksionuar me ligj, qytetarë të pa përgjegjshëm ende vazhdojnë me ndotje të ambientit dhe ndezje zjarresh.

EVSB, apelon tek qytetarët se, dukurit e tilla duhet ndaluar, dhe fton organet përkatëse, që personat e pa përgjegjshëm të marrin dënimin e merituar thuhet në reagimin e koordinatorit të EVSB-së, për Komunën e Vitisë, Imri Emërllahu./rajonipress/