RCCOLA

Ndotja e ambientit nga zhagitja e ndërtimit të rrugëve në Gjilan aspak nuk i brengos IKSHPK-në, Ministrinë e Ambientit dhe Komunën e Gjilanit

/ 2 minuta lexim
Uji Dea

Gjilan – Vitet po kalojnë! E papranueshme, indinjuese dhe e pakuptimtë kjo mbështetje me heshtje e institucioneve të vendit për këtë katrahurë të rrugëve në Komunën e Gjilanit ka shkruar Skender Berisha.

“Komuna e Gjilanit po provon të prezantohet me rezultate dhe me krenari në aktivitetet e saj në të mirën e qytetarëve, por në të njëjtën kohë dëmet në aspektin shëndetësor nga ambienti i ndotur aspak nuk po i brengos. IKSHPK-ja gjatë pandemisë e kishte vëmendjen edhe për interpretimin më të vogël të ndonjë veprimi të institucioneve tona komunale dhe atyre qendrore. Por, sot në gjithë këtë pluhur dhe ndotje të ajrit dhe tokës, thuajse po kontamihohet gjithçka, vite të tëra nga punimet që do të duhej te zgjasin shumë më pak kohë, IKSHPK-ja ka vendosur të qëndrojë e heshtur edhe pse bazuar në ligjin NR. 02/L-78 ( Ligji për shëndetësi publike), neni 8 dhe 9, IKSHPK-në e obligon që të rekomandon masat mbrojtëse” shprehet Berisha.

“Në anën tjetër Ministria e Ambientit për këtë çështje ka mbyllur sytë, dhe ankesat e qytetarëve të zhgënjyer që po ankohen për çdo ditë nuk po ndihmojnë të marrë masa ligjore. Protestat e qytetarëve dhe bizneseve të cilat janë me vend do të duhej t’i përkrahim të gjithë, pa dallime partiake, sepse të gjithë po jetojmë në qytetin e bukur të Gjilanit, dhe dëmet që po na shkakton kjo katrahurë në vetura dhe ambient ku po jetojmë dikush duhet të përgjigjet” ka vlerësuar Berisha.

ARKATANA

Berisha ka një apel për institucionet komunale.”Zgjohu Komuna e Gjilanit, përshpejtoni angazhimin tuaj dhe përfundimisht jepni fund kësaj katrahure, sepse edhe diaspora shqiptare shumë shpejt do të jenë këtu, dhe atyre gërmadhat mos t’i bëjnë pishman që kanë ardhur”./rajonipress/