Ndodhë edhe kjo, nuk lejon të shtrohet asfalti para shtëpisë së tij

Gjilan – Të mërkurën është shtruar asfalti në Livoq të Epërmë derisa një qytetar ka këmbëngulur që para shtëpisë së tij mos të shtrohet asfalti dhe ka ndërprerë punën. Nuk dihet arsyeja e këmbënguljes së tij, por banorët e atjeshëm e kanë cilësuar si skandal këtë gjest.

Në fshatin Livoq i Epërmë ka ndodhur një gjest i pazakontë i një qytetari. Një lexues yni po nga ky fshat ka dërguar një foto ku shihet se janë ndërprerë punimet dhe rruga ka mbetur në gjysmë e paasfaltuar.

Kjo ka ndodhur për shkak se një banor ka stopuar punimet para shtëpisë së tij derisa banorët këtë veprim dhe sjellje të këtij qytetari e kanë quajtur skandaloze.

Lexuesi ynë bënë me dije se përkundër ndërhyrjes së policisë dhe të zyrtarëve komunal, duke përfshirë edhe banorët e fshatit rruga nuk është asfaltuar. “Kjo ndodhë vetëm tek ne dhe nuk e kuptojmë si mund të lejojë komuna që për teke të dikujt të ndërprehet asfaltimi i rrugës” ka shkruar lexuesi./rajonipress/