Ndihmohen studentët e Universitetit të Gjilanit

Gjilan – Nga aktiviteti i Rinisë Studentore “Kadri Zeka” për nevojat e studentëve nga aktiviteti “Perfomancë Live” është arritur të sigurohen për 10 student pagesa e semestrit, për tre student transporti për dy muaj dhe për 6 student të tjerë është realizuar pagesa e konviktit.

Rinia Studentore “Kadri Zeka” ka njoftuar se nga aktiviteti i muajit nëntor që për qëllim kishin grumbullimin e sa më shumë mjeteve financiare për t’u dalë në ndihmë kolegëve të tyre në nevojë është arritur të sigurohen për 10 studentë pagesa e semestrit, për 3 studentë transporti për dy muaj dhe 6 studentëve të tjerë pagesën e konviktit.

Shuma e mbledhur nga ky aktivitet u dedikua plotësisht për studentët e Universitetit “Kadri Zeka” me ç`rast edhe këtë vit çmojmë studentët e dalluar të UKZ-së.

Përmes këtij njoftimi ata kanë shfrytëzuar rastin të falënderojnë të gjithë njerëzit e vullnetit të mirë, institucionet komunale dhe teatrin e qytetit që ndihmuan në organizimin e këtij aktiviteti të mrekullueshëm.

“Ne falënderojmë të gjithë studentët për kontributin e tyre dhe zotohemi se organizimet e tilla do jenë vazhdimësi për kontribut pozitiv në shoqëri” thuhet në njoftimin e Rinisë Studentore “Kadri Zeka”./rajonipress/

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).