Ndihmohen personat dhe familjet e rrezikuara sociale në Ranillug

Gjilan – Organizata Joqeveritare “Bashkimi i Svetosavës dhe integrimi i Diasporës në Atdhe” dhe Shoqata e miqësisë Serbo-Ruse “Vatra e Kosovës” në bashkëpunim me komunën e Ranillugut kanë ndarë ndihma për personat dhe familjet e rrezikuara sociale në territorin e komunës së Ranillugut.

Këto ndihma janë ndarë në tërë komunën e Ranillugut nga ana e aktivistëve gjegjësisht të vullnetarëve nga organizatat e përmendura joqeveritare, të këshillit të rinisë të komunës së Ranillugut dhe zyrtarëve të komunës së Ranillugut raporton rajonipress.

Ndihmat e shpërndara kanë përfshirë veshmbathje dhe janë grumbulluar nga ana e studentëve nga Beogradi.

Zyrtarët e komunës së Ranillugut kanë shprehur kënaqësinë dhe falënderimin për aktivistët e këtyre organizatave joqeveritare për punën e tyre të palodhshme që kanë treguar që një aktivitet i tillë human të realizohet./rajonipress/