Ndihmohen 150 familje pensionistësh dhe invalidësh të punës

Gjilan – Mbi 150 familje të pensionistëve dhe invalidëve të punës në Gjilan, janë ndihmuar të martën me pako ushqimore e veshmbathje në prag të festës së Fitër Bajramit.

Ndihmat janë grumbulluar nga sindikata e pensionistëve. Muharrem Bajrami, kryetar i degës së kësaj sindikate në Gjilan, ka thënë se rreth 150 familje skamnore të pensionistëve dhe invalidëve të punës, janë ndihmuar me miell, lëngje e veshmbathje, për t`ua lehtësuar sado pak festën e Bajramit të Madh, në mënyrë që edhe ato të kenë çka të shtrojnë në sofrat e tyre.

Bajrami thotë se kjo kategori jeton në kushte të vështira. Ata janë njerëzit më të varfër në Evropë, thotë ai.

Bajrami ende shpreh revoltën e tij për moskujdesin duhur institucional ndaj pensionistëve të cilët edhe pse ishin kontributëdhënësit më të mëdhenj të shtetit të Kosovës, ata mbeten kategoria më e përbuzur./rajonipress/