Ndihmëssekretari amerikan Pacollit: SHBA në secilin proces qëndron prapa Kosovës

Zëvendëskryeministri dhe ministri i Punëve të Jashtme. Behgjet Pacolli, ka zhvilluar një takim me Ndihmës-Sekretarin e Shtetit për Evropë dhe Euro-Azi, Ëess Mitchell, në Departamentin Amerikan të Shtetit.
Pas këtij takim është bërë e ditur se SHBA do t’i qëndrojë prapa Kosovës në çdo proces.

“Shtetet e Bashkuara e kanë dëshmuar mbështetjen e tyre të fuqishme, të vendosur dhe të vazhdueshme nëpër periudhat më të vështira për vendin dhe popullin shqiptarë të Kosovës dhe do të qëndrojnë prapa Kosovës dhe popullit të saj nëpër secilin proces të shtet-ndërtimit. Ky ishte njëri nga mesashet kryesore, që mora nga takimi që kisha sot me Ndihmës-Sekretarin e Shtetit për Evropë dhe Euro-Azi, z. Wess Mitchell, në Departamentin Amerikan të Shtetit”, ka bërë me dije Pacolli.

Në margjina të Ministerialit të parë për avancimin e Lirive Fetare në botë, që po zhvillon punimet në Uashington D.C., ministri, Pacolli, ka takuar edhe Sekretarin Amerikan të Shtetit, Mike Pompeo dhe homologë të tij nga vende të ndryshme që morën pjesë në Ministerialin për avancimin e Lirive Fetare.