Ndëshkim për ata që shkelin ligjin

Kryetarja e Komisionit Qendror të Zgjedhjeve, Valdete Daka, u ka bërë thirrje partive politike ta respektojnë ligjin dhe rregullat zgjedhore, në të kundërtën ka paralajmëruar se do të ketë ndëshkime për ata që nuk do t’i përmbahen ligjit mbi zgjedhjet.

“Në rast se do të ketë thyerje të rregullave zgjedhore dhe shkelje të ligjit, normalisht se do të ketë ndëshkime”, ka thënë Daka kur është pyetur se disa parti politike e kanë filluar aktivitetin parazgjedhor, shkruan Epoka e re.

Ajo ka thënë se organizimi i zgjedhjeve në veri do të jetë sfidë për KQZ-në, por ka bërë me dije se këtë sfidë do ta kalojë me sukses së bashku me organizatat ndërkombëtare./Indeksonline/