Ndeshja e të çregjistruarve i takon Besës

Gjilan – Dy skuadrat të cilat i kanë thënë lamtumirë Superligës së Kosovës në futboll, në stadiumin e qytetit në Gjilan kanë zhvilluar ndeshjen e parafundit të javës së 32-të, e cila i ka takuar skuadrës nga Peja, Besës me rezultat 4-1.

Nëpër mot me shi para 10 shikuesve, futbollistët e Besës kanë shënuar fitore të vonuar por të merituar.

Fillimi ju ka takuar futbollistëve të Vllaznisë, por nuk arritën të tundin portën e portierit Haxhijaj.

Golin e epërsisë, mysafirët e arritën në minutën e 42-të, nëpërmjet Adis Salihut.

Nëpër mot me shi të pandërprerë, Salihu edhe njëherë gjen rrjetën e Ibrahimit në minutën e 54-të.

Në minutën e 68 Fitim Kasapi arrin ta ngris epërsinë në 3-0.

Futbollistët e Vllaznisë në minutën e 74-të, arrinë që nëpërmjet Orhan Miftarit të zbusin epërsinë në 3-1.

Golin e fundit në këtë përballje futbollistët e Besës e shënojnë në minutën e 82-të, kësaj radhe golashënues ishte Fatlum Gashi.

Në javën e fundit futbollistët e Vllaznisë janë mysafirë të Trepcës’89 në Mitrovicë./rajonipress/