Ndërron jetë trajneri i KK “Elita” Xhevat Shabani

Gjilan – Në moshën 49 vjeçare sot ka ndërruar jetë trajneri i mirënjohur i Klubit të Karatesë “Elita” nga Gjilani, Xhevat Shabani.

I ndjeri Xhevat Shabani njiherit ishte edhe anëtarë i Bordit të Federatës së Karatesë së Kosovës, dhe i cili jepte një kontribut të madh në ngritjen e karateistve të rinjë jo vetëm në KK “Elita”, por në gjithë Kosovën.

I ndjeri Xhevat Shabani në karrierën e tij prej karateisti kishte edhe gradën e karatesë “V Dan”, dhe i cili gjatë karrierës së tij prej karateisti kishte arritur rezultate kulminante kudo që paraqitej në luftërat e tij.

Shabani një jetë të tërë ja kushtoi sportit të karatesë, ai që nga mosha 10 vjeçare e nisi rrugëtimin e tij në “kimonet e karatesë” për tu mos u ndalur gjerë në ditët e fundit të jetës së tij.

Me humbjen e trajnerit të karatesë, Xhevat Shabani, karateja e Gjilanit por edhe ajo e Kosovës ka humbur një karateist i cili la gjurmë të pashlyera në këtë sport fisnik.

“Rajoni Press”, familjarëve, KK “Elita” dhe Federatës së Karatesë së Kosovës, i shpreh ngushëllimet më të thella për humbjen e Xhevat Shabanit.

Varrimi i të ndjerit do të bëhet nesër me drek në varrezat e qytetit në Gjilan./rajonipress/