Ndërron jetë njëri ndër futbollistët e parë të Dritës

Gjilan – Sot qyteti i Gjilanit është ndarë nga njëri ndër futbollistët e parë të KF Drita Ramadan Haliti në moshën 84 vjeçare.

Ramadan Haliti ishte njëri ndër futbollistët e parë të KF Drita që në fillimin e saj të vitit 1947, Haliti së bashku me disa shokë të tij kishin vendosur në këto vite të larta t`i mbrojë ngjyrat e këtij klubi me mjafte sukses.

Haliti i cili konsiderohej në atë kohë një futbollist shumë cilësor edhe pse në kushte shumë të vështira me dinjitet kishte mbrojtur emrin e klubit të Dritës.

Ish futbollisti i Dritës Haliti në të shumtën e rasteve ka treguar se në atë kohë kishin probleme se si nuk mund të siguronin edhe një top të futbollit njëashtu edhe veshjet sportive në të shumtën e rasteve nganjëherë kanë munguar.

Ish sulmuesi i Dritës vazhdimisht ka theksuar se nga pushteti i atëhershëm komunist ishin të penguar t`i mbronin ngjyrat e KF Dritës, por Haliti gjithmonë i mbeti besnik kësaj skuadre gjerë në momentet e tij të fundit të jetës.

Ramadan Haliti do të kujtohet përgjithmonë nga qytetarët e Gjilanit si dhe nga sportdashësit si një personalitet i dashur dhe i respektuar.

Ish futbollisti Ramadan Haliti sot është varrosur në varrezat e qytetit në Gjilan në praninë e shumë qytetarëve dhe sportdashësve të qytetit të Gjilanit./rajonipress/