Ndërron jetë ish-trajneri i mirënjohur i boksit Elmaz Bajrami

Në moshën 73 vjeçare ish-trajneri i Dritës së Gjilanit në boks dhe ish-trajneri i KB Prishtina dhe selektori i ish-Jugosllavisë në boks Elmaz Bajrami, pas një sëmundje të shkurt ka ndërruar jetë.

Ish-trajneri i boksit Elmaz Bajrami, ka lënë gjurmë të pashlyera në boksin e Gjilanit e atij Kosovar.

Gjatë karrierës së tij të trajnerit Bajrami ka nxjerr shumë talent te boksit në Gjilan e Kosovë.

Ish-trajneri Bajrami e deshti e kontribuoi për boksin e Kosovës, ai në të shumtën e rasteve vazhdimisht kishte një porosi të cilën e theksonte.
“Duajeni sportin, duajeni atdheun, kontribuoni për vendin kudo që jeni, kjo tokë është e jona dhe shumë herë e kemi larë me gjak e tani është koha ta ruajmë si sytë e ballit”./rajonipress/