Ndërroi jetë mësuesja e LAPSH, Antoneta Subashi-Alija
RajoniPress
08:39, 13 Nëntor, 2015
Lidhja e Arsimtarëve dhe Prindërve Shqiptarë „Naim Frashëri“ për kantonin Cyrih njofton të gjithë opinionin, si nxënës, prindër, kolegë dhe punëtorë të Arsimit, se kolegia jonë Antoneta Subashi – Alia pas një sëmundje të rëndë ndërroi jetë më 7.11.2015 në moshën 46 vjeçare. Antoneta ishte punëtore shumëvjeçare e LAPSH-së „Naim Frashëri” në Kantonin e Cyrihut.
Lajmi për vdekjen e koleges sonë për Kolektivin i LAPSH-së „N.Frashëri“ për Cyrih ishte i rëndë, Antoneta deri në momentet e fundit kur sëmundja e detyroi të ndërpriste mësimin në shkollat shqipe në Kantonin Cyrih, punoi me një përkushtim të madh dhe ishte e palodhshme në detyrë dhe në çdo aktivitet që organizohej nga LAPSH e Kantonit Cyrih.
LAPSH-ë u shpreh ngushëllime të sinqerta familjes dhe gjithë farefisit të gjerë nga Shqipëria dhe Kosova, i qoftë i lehtë dheu i tokës nënë./albinfo/
