Nderohet ish boksieri dhe dëshmori Agim Rashiti

Gjilan – Ish boksieri nga Gjilani i cili kishte një talent të jashtëzakonshëm në mes litarëve të ringut Agim Rashiti, mu në vlugun e karrierës së tij forcat Serbe e kishin vrarë para 28 vite, pikërisht me 28 mars të vitit 1989, në oborrin e Spitalit Regjional të Gjilanit i ndërprenë karrierën në lulen e rinisë.

Dashamirët e boksit Gjilanas, së bashku me Komunën e Gjilanit pas luftës në çdo vit për nder të dëshmorit Agim Rashiti organizojnë turne memorial të boksit në Gjilan.

Në shënimin e 28 vjetorit të rënies dëshmorit Agim Rashiti, njeherit edhe nën patronatin e kryetarit të Komunës së Gjilanit z.Lutfi Haziri dhe klubit te boksit Drita, me 13 Maj në Palestrën sportive “Bashkim Selishta-Petriti” duke filluar në ora 17:00, do të jetë arenë e boksit ndërkombëtar.

“Jemi të lumtur që për nder të dëshmorit dhe kolegut tonë Agim Rashiti, do të organizohet një turne i fort i boksit me boksier cilësor, do të kenë rast dashamirët e boksit t`i përcjellin boksierët më të mirë Kosovar dhe të disa shteteve evropiane, këtë mundësi na ka bërë të mundur kryetari i komunës se Gjilanit, Z.Lutfi Hazari”, ka bër të ditur kryetari i këshillit organizativ, Nazim Halili.

Siç parashihet në këtë turne memorial të boksit do të marrin pjesë boksierët nga Shqipëria, Çekia, Mali i Zi, Maqedonia, Sanxhaku dhe Kosova.

Organizatorët e këtij turneu memorial të boksit “Agim Rashiti”, kanë paraparë për më të mirët kupa dhe mirënjohje./rajonipress/