Nderohen dëshmorët, Luta premton rregullimin e kompleksit të dëshmorëve

Gjilan- I shoqëruar nga zyrtarë komunal, përfaqësues të policisë, partive politike, veteranëve të luftës, Lutfi Haziri ka bërë homazhe tek varrezat e dëshmorëve. Haziri duke uruar gjilanasit për gjashtë vjetorin e Pavarësisë tha se kjo është një ditë e madhe për shqiptarët derisa ka premtuar se projekti i parë i tij që do të nisë këtë vit ka të bëjë pikërisht me përfundimin e kompleksit të dëshmorëve.

Lutfi Haziri i shoqëruar edhe nga Rexhep Kadriu e Valentina Bunjaku Rexhepi, si dhe përfaqësues të partive politike, zyrtarë policor, veteran e familjarë të dëshmorëve kanë nderuar dëshmorët dhe kanë vendosur kurora lulesh, raporton rajonipress.

Haziri pasi ka përshëndetur familjarët e dëshmorëve është prononcuar edhe për mediet. “Kjo është një ditë e bardhë dhe e madhe për të gjithë shqiptarët kudo që ndodhen. 17 shkurti shënon kthesën e madhe historike dhe neve duhet të na motivoj 6 vjetori që të punojmë edhe më shumë dhe ta realizojmë synimin tonë për të pasur liri e zgjidhje të problemeve edhe për shqiptarët e Kosovës Lindore” tha Haziri.

Haziri tha se cjet tona për një Kosovë të integruar janë synim i pandalshëm i yni. Ndryshe kreu i Gjilanit tha se projekti i parë që ai do të nisë në mandatin e tij lidhet pikërisht me përfundimin e punimeve tek varrezat e dëshmorëve.”Ky do të jetë projekti im i parë sepse nuk mund të ndihemi rehat nëse dëshmorët dhe ata që dhanë më të shtrenjtën për këtë ditë të mos kenë një vend të rehatshëm dhe të rregulluar” tha Haziri./rajonipress/