Ndërkombëtarët: Votojeni Gjykatën ose e bëjmë ne

Bashkimi Evropian i ka dërguar mesazh të qartë Kosovës përmes zëdhënëses së shefes së Politikës së Jashtme, Maja Kocijancic, për qëndrimin e tyre rreth krijimit të Gjykatës Speciale.

Kocijancic në një intervistë për gazetën ‘Zëri’ ka bërë me dije se BE-ja pret të votohet sa më parë krijimi i kësaj Gjykate, në të kundërtën besueshmëria e institucioneve të Kosovës mund të vihet në pyetje për dy gjëra.

“Mosrespektimin e angazhimeve të veta, por edhe për mosgatishmërinë për t’i shërbyer drejtësisë dhe për të konkluduar përgjegjësinë për keqbërje të mundshme individuale në të kaluarën”, ka thënë Kocijançiç. /Zëri/