Ndërkombëtarët paralajmërojnë ndarjen e PDK-së

Përçarjet e brendshme në partinë më të madhe në vend, Partinë Demokratike të Kosovës, kanë filluar të zënë vend edhe në raportet dhe analizat e organizatave të ndryshme ndërkombëtare.

Një raport i fundit për këtë çështje që e posedon Tribuna dhe i cili është finalizuar më 14 tetor nga organizata IHS Jane’s, paralajmëron se kreun e PDK-së e presin sfida të mëdha, dhe një ndër to do të mund të jetë edhe ndarja formale e partisë para zgjedhjeve të përgjithshme që pritet të mbahen në pranverën e vitit 2014.

IHS Jane’s është organizatë me bazë në Shtetet e Bashkuara të Amerikës. Ajo ka rreth vetes profesionistë të cilët angazhohen për të bërë hulumtime dhe analiza të proceseve të ndryshme, në bazë të nevojave të tregut.

Këtë radhë, ekspertët e organizatës i kanë bërë një analizë situatës në Kosovë në prag të zgjedhjeve të 3 nëntorit.(Tribuna).